Ingvi og Ragga

2006-08-03T00:03:00.000+02:00

.....

2006-08-02T23:59:00.000+02:00

Bara að athuga hvort ég muni ennþá hvernig á að gera þetta... greinilega man ég það. Kannski fara að koma inn fleiri færslur hér á næstunni, og kannski ekki. Kemur í ljós.....

Erfinginn

2005-11-03T22:37:00.000+01:00

Ef að fólk er ekki búið að átta sig á því ennþá þá erum við nánast búin að gefa þetta blogg upp á báta. Það má eiginlega segja að bloggið sé farið út um allar þúfur og víða velli.
Við munum einbeita okkur að því að skrifa um erfingjann og það blogg má finna hér.
Svo geng ég undir dulnefninu rafninn og blogga hér um allan fjandannn sem mér dettur í hug.

Kveðja rafninn

Fullt af myndum

2005-10-12T23:15:00.000+02:00

Það eru komnar myndir hér. Svo er ég búinn að setja upp vefdagbókarkerfi á rafninn.net þar sem ég mun setja inn hugsanir mínar og vangaveltur um tillið og lífveruna.
Kveðja Jóli

Bumban

2005-10-06T22:03:00.000+02:00

Hér kemur loksins bumbumyndin sem allir hafa beðið eftir. Ragga er komin 36 vikur. Húff bara mánuður eftir.
Fljótlega koma inn fleiri myndir af öllu mögulegu sem við höfum verið að gera síðustu vikur og mánuði.

Allt að gerast

2005-06-27T20:16:00.000+02:00

Halló allir,

Nú er margt um að vera í okkar hversdagslífi. Ég(Ingvi auðvitað) er búinn að vera að pakka á fullu í dag og síðustu daga á meðan Ragga er að læra fyrir lokaprófið og pakkar líka inn á milli. Við flytjum út annað kvöld og Jón Auðunn vinur okkar kemur með bíl og hjálpar okkur að flytja allt draslið niður á Istedgade. Ég fór ásamt félögunum uppí Roskilde til að tjalda og svo mætum við aftur hressir á miðvikudaginn. Mikið rétt, ég er að fara á Hróarskeldu. Það verður rosalegt fjör á meðan Ragga kýs frekar að spóka sig í sólinni í rólegheitum enda loksins komin í langþráð frí.

Annars hefur ýmislegt gerst síðustu daga og vikur og hér verður stiklað á stóru hvað það hefur verið. Mamma og pabbi komu í heimsókn til okkar um miðjan maí og voru í nokkra daga. Það var mjög fínt og fengu þau gott veður og gátu skoðað ýmislegt.

Þar sem pabbi var slæmur í löppinni, gátum við ekki labbað mikið en hann hertók
hjólið hennar Röggu og hjólaði um allt hverfið hérna og skoðaði allt.

Ekki skrýtið að hann var slæmur í löppinni, það kom í ljós að hann var með æxli sem er nú búið að fjarlægja og hann spreytir sig á hækjum núna og er að ná sér.

Við röltum þetta týpíska, fórum í Tívolí, á Strikið, Nýhöfn, Fields og fleira.

Hér er ánamaðkur sem ég sá einn daginn þegar ég var í skólanum og var að rölta að fá mér að borða. Takið eftir að það er lítil padda þarna sem er að éta ánamaðkinn. Ég bjargaði ánamaðkinum frá pöddunni. Ég tók það allt uppá vídjó ef einhver vill sjá nákvæmlega hvernig þetta gerðist allt saman, þetta var alveg rosalegt.

við félagarnir úr DTU fórum saman út að borða þegar við klárurðum önnina. Þetta fólk var að skoða matseðilinn fyrir utan staðinn þar sem við borðuðum. Ágætis fólk alveg.

Seinna um kvöldið fórum við á tónleika í tívolíinu með hljómsveitinni Saybia. Þeir voru nokkuð góðir og alveg miklu betri en ég bjóst við. Ekkert skrýtið þar sem ég bjóst við að Saybia væri kona sem syngi danskt píkupopp. Svona þessi danska Britney Spears. Saybia er í raun nokkrir gaurar sem spila tónlist ekki ósvipaða Muse, Coldplay, Travis og Radiohead blandað saman.

Þegar hér er komið við sögu eru Eyjó og Lilja mætt til Köben ásamt skvísunum Bergdísi og Magdalenu. Þetta er tekið á 17.júní, sem var 18.júní að þessu sinni. Takið eftir hvað Eyjó er með flott bak.

Þar sem sumarið er svo sannarlega komið hér í Danmörku þá urðum við auðvitað að skella okkur á ströndina. Helgi liggur þarna í lendaskýlunni, vel smurður af olíu. Jón Auðunn er þarna með rauðu handleggina.

Eygló og Reynir kíktu við á leið heim úr kórferðalagi í Noregi. Við fórum út að borða alveg ágætismat. Reyndar var pizzan mín örlítið þurr og sömuleiðis sverðfisurinn hennar Eyglóar.

Hér eru skvísurnar á leiðinni heim eftir matinn.

En við kallarnir fengum að kíkja aðeins á pöbbinn. Við fórum á Mojo sem er blúsbar þar sem er alltaf spiluð lifandi tónlist. Að þessu sinni vora það The Healers sem slógu í gegn.

Við fórum út að borða á afmælinu hennar Röggu, 25.júní, kíktum svo í Tívólí og Ragga fékk allt sem hún vildi. Reyndar þá þurfti hún að borga fyrir allt en það er önnur saga.

Mættir á Roskilde, Bjarki hermaður og Jón Auðunn að spekúlera í tjaldinu. Djö.. verður gaman og veðurspáin er sól sól og sól og smá rigning

Hér kemur svo bumbumyndin sem allir hafa beðið eftir og suðað um að fá. Þarna er Ragga komin 22 vikur + 3 dagar. Það eru 22*5 + 3 = 113 dagar ef maður telur bara virka daga annars eru það 157 dagar.

Þó að það hafi enginn beðið um þessa bumbumynd þá læt ég hana flakka með og verð að segja að ég er frekar móðgaður að enginn hafi beðið um hana.

Þetta er komið gott í bili. Næsta blogg verður þegar við komum aftur til Köben því ég verð tölvulaus í allt sumar. Hvernig fer ég að því að vera tölvulaus, ekki spyrja. Bless í bili. Þið eruð frábær.

Kveðja, Ingvi, Ragga og bumban

Hvað er á seyði..

2005-05-18T13:02:00.000+02:00

Já við erum löt í þessu bloggi.
Ég er kominn með lén sem er rafninn.net og set stundum myndir á gallery.rafninn.net

Við vorum að fá ný símanúmer sem eru:
Ingvi: 61799424
Ragga: 61795424

Hilsen

Back on popular demand ...

2005-03-09T12:06:00.000+01:00

Halló halló. Ég byrja alltaf öll web-log á því að afsaka hvað það er langt síðan ég skrifaði síðast. Ég ætla ekki að gera það núna. Mér er alveg sama, ég skrifa bara þegar ég nenni og hananú. Það er þá bara þeim mun skemmtilegra þegar ég loksins kem mér til þess að skrifa eitthvað. Það er margt búið að gerast í okkar lífi. Allt saman voða skemmtilegt, ég er svo jákvæður að ég sé bara gott í öllu. Hér kemur þá myndasyrpa af öllu saman. Það er margt annað sem hefur gerst hjá okkur en ef ég hef ekki tekið mynd af því þá man ég ekki eftir því.

Þetta eru verksummerki eftir innbrotið. Tókum myndir af öllu fyrir lögguna og snertum ekki neitt til að hægt væri að taka fingraför. Svo kom danska C.S.I á vettvang. Þeir eru ekki alveg jafn góðir og bandarísku C.S.I. Gaurinn var með svaka tösku, setti hana á gólfið, tók upp málband og mældi. "32 centimetrar". Svo lokaði hann töskunni og gerði ekkert annað. Ekki skrýtið að við höfum ekki séð tölvuna aftur. Ég nota bara gamla vasareikninn minn núna, hann stendur alltaf fyrir sínu.

Nei, það er ekki bara svona mikið drasl hjá okkur! Þjófarnir tóku líka allt leirtau úr skápunum hjá okkur, óhreinkuðu það og skildu það eftir í vaskinum. Tók reyndar ekki mynd af því.

Daginnn eftir innbrotið kom Oddur í heimsókn til að létta okkur lífið.

Fórum á vaxmyndasafnið.

Og saman á klósett. Það kostar inná svona klósett þannig að við fórum öll saman til að spara. Alltaf svo hagsýn.

Hér erum við á Bang & Jensen

sem er gamalt apótek. Alveg satt.

Við tímdum ekki að fara út að borða á hverju kvöldi þannig að við elduðum heima. Ragga eldaði kjúklingaréttinn sinn sem hún er orðin fræg fyrir hérna úti (allavega hjá mér).

Hann var svo góður að Ragga eldaði hann aftur næsta kvöld. Það er ekki slæmt, nákvæmlega sama í matinn tvo daga í röð. Þið sjáið Röggu þarna hægra megin. Hún er að reyna að fela sig en maður sér hana alveg. Hint: hún er þessi í svörtu peysunni.

Eftir megastuð og fjör þessa helgi vildum við vera menningarleg á sunnudeginum og sjá pínulitlu hafmeyjuna. Við vorum alltaf að segja við Odd hvað hún væri lítil svo hann yrði ekki fyrir vonbrigðum að hann varð fyrir vonbrigðum með hvað hún var stór. Hér sést Oddur og hafmeyjan í bakgrunn. Hún er þarna, það var bara komið myrkur og ógeðslegt skítaveður.

Á mánudagkvöldinu fórum við út að borða á Jensens, all you can eat spare ribs. Við fengum okkur öll tvisvar á diskinn bara af því við gátum það. Ég eyddi mestum tíma í seinni diskinn við að skera allt í sundur þannig að það liti út fyrir að ég væri búinn að borða eitthvað.

Svo er haldið út á flugvöll á þriðjudagsmorgni. Ragga vaknaði þegar við komum út á völl enda þreytt eftir góða og langa helgi.

Við erum orðin svo góðhjörtuð að þegar við verslum brauð þá gefum við þeim endana. Þetta lætur manni líða vel í hjartanu, sérstaklega þegar það er kalt úti. Ég mæli með þessu fyrir hvern sem er.

Þetta hús er nálægt þar sem við búum. það nær endalaust langt upp.

Þetta er ólífuskammturinn minn. Ég setti þennan bjór við hliðina til að fólk geri sér grein fyrir stærðinni. Ég klára einn svona dúnk á viku og besta er að þetta kostar bara 18 krónur í Bilka. Hvem'ka, Bilka. Ég er reyndar að fá ógeð á ólífum núna.

Þetta rakst ég á í einhverjum sölubás í Stínu (Christaniu) minnir mig. Þetta er tónlistarafbrigði skylt reggí sem kallast ragga.

Rós kom í heimsókn einhvern föstudag og nokkrir bjórar sötraðir af því tilefni. mikið var slúðrað það kvöld. Ojj

Svo fórum við á Þorrablót íslendinga í Köben. Fórum bara á ballið samt. Hér erum við að fara út úr húsi. Takið eftir tannburstunarslettunum á speglinum. (Ég held ég hafi fundið upp nýtt orð)

Á móti sól voru að spila og svaka fjör. Ómar Berg átti svæðið enda rótarinn hjá hljómsveitinni. Hér er hann að halda æstum aðdáendum í burtu.

Svo fórum við á kynningarkvöld á kolleginu fyrir nýinnflutta. (annað nýtt orð) Kvöldið byrjaði á að vera leiðinlegasta og neyðarlegasta kvöld sem ég hef upplifað en það lagaðist með kvöldinu og á endanum talaði ég reiprennandi dönsku, sænsku og swahili. Þetta er nýi sænski vinur minn sem ég man ekki hvað heitir. Olsen Olsen eða eitthvað þannig.

Og nýja besta vinkona Röggu, heitir Ramor og er kærasta gaursins. Annað höfum við ekki talað við þau síðan þarna, en ágætis krakkar samt.

Ingvi hefur talað.
Kveðja frá okkur báðum.

Ekki mjög skemmtilegar Fréttir

2005-01-21T01:58:00.000+01:00

Jæja þá er maður nú aldeilis búin að upplifa stóborgarfílinginn í ræmur. Við erum búin að koma okkur ágætlega fyrir í rosa kósí íbúð. Sko við erum búin að vera heima öll kvöld síðan við komum hingað bara að horfa á sjónvarpið og sonna, svo í gær þá ákváðim við að kíkja aðeins út á kaffihús, vorum ca tvo tíma úti. Svo þegar við komum heim þá var bara allt á rúi og stúi og fartalvan, allar leiðslur og taskan undir hana horfin og tveir hringir. Haldiði ekki bara að við höfum verið rænd. Shitt hvað þetta var mikið sjokk maður. Þó að þetta sé nátturlega þvílikt fjárhagslegt tjón, þá er samt einhvernvegin ennþá verra að það eru einhverjir gaurar búnir að vera hérna inni og gramsa í öllu sem maður á. Það gerir mann eitthvað svo reiðan. Við hringdum nátturlega strax í lögguna en hún kom ekki fyrr en í morgun, svona csi lið með rosa töskur og spurningar, svo núna er verið að vinna í málinu og rannsaka. Samt engar líkur á að fá þetta dót til baka. Líka hálf fáranlegt hvað það líður langur tími þar til löggan kemur, ætli talvan sé ekki komin til þýskalands eða eitthvað. Svo var ég (Ragga)geðveikt nojuð að fara að sofa, gat í fyrsta lagi ekkert sofnað svo ef heyrðist eitthvað smá brak þá hrökk ég alveg í kút. En allavega þá getur maður þakkað fyrir að þetta var ekkert verra, við erum allavega heil á húfi bæði og það er nú fyrir öllu, ekki satt.
Núna er Oddur Óskar hjá okkur og við erum bara komin í gúddí fíling aftur, þýðir ekkert að væla þetta, life goes on. Og bara ætlum að skemmta okkur sem best um helgina. Hafið það gott og heyrumst síðar.
Hjödda hugsasði nú soldið til þín, vantaði að þekkja einhvarn í löggunni svo það yrði ger eitthvað í máinu strax.
En allavega bæ bæ og heyrumst. kveðja Ragga og Ingvi.

Tilbaka í Köben

2005-01-14T11:39:00.000+01:00

Þá er kominn tími til að láta aðeins vita af sér. Hér að neðan eru nokkrar myndir sem lýsa því hvað hefur á daga okkar drifið síðustu vikur. Þess ber að geta að hér má aðeins sjá dropa í hafið af þeim ótalmörgu svaka skemmtilegu atburðum sem gerðust nálægt okkur.
Við lentum í orgíu þegar við fórum í sakleysi okkar að fá okkur skötu á messu heilags Þorláks.

Afleiðingarnar af því voru svakalegar.

Eins og sést.

Enda orgían ekki uppá marga fiska.

Hér eru Skapti og Skafti í góðu flippi á Boston CelticCross. Það sést ekki en þeir eru báðir blindfullir. Nei grín bara.

Afmæli hjá Magdalenu skvísu sem var tveggja ára.

Hér er Reynir töffari með frænkugellu sinni.

Við kíktum í göngutúr á fróni en mér leist ekkert á þennan skítakulda þarna.

Þegar við komum til Köben tók þetta á móti okkur. Tóm íbúð og hellingur af ruslpósti.

Þannig að við drifum okkur beint í lestina til að skoða húsgögn.

Hittum þennan stork. Hann var barnlaus.

Við fórum í IKEA til að skoða húsgögn. Bara skoða sko. En það var ekki hægt. Við enduðum á að kaupa svefnsófa, kommóðu, lítið borð og tölvuskáp.

Allt draslið utan af þessu fyllti íbúðina.

Þetta er fræga borðið og stólarnir sem við keyptum fyrir jól og löbbuðum hálfan dag til að koma þessu heim. Alveg þess virði, kostaði bara 500 kall allt saman. Og útdraganlegt borð í þokkabót.

Svo er bara að setja saman tæknilegóið. Þvílíkt gaman.

Eftir að hafa snúið nokkrum spýtum vitlaust og neglt nagla með skiptilykli og fleira skrautlegt, komst tölvuuskápurinn upp.

Kommóðan var létt og þung. Það er létt að setja saman en fáránlega þung að bera.

Þetta er svefnsófi með geymsluplássi líka. Kemur sér vel í plássleysinu. Græddum rúmmeter. Rúm meter hahaha.

Við tímdum ekki að kaupa meira þó okkur vanti hillur og fleira. Þá settist ragga niður með kassana og stóra límbandsrúllu og byrjaði að föndra. Þetta er fyrir myndasafnið okkar og dundaði hún í að líma pappír utan á allt.

Ég gerði náttborðið. Er að spá í að sækja um einkaleyfi á þessu. Þetta er svo sniðugt.

Þetta er samt besta uppfinningin. Ragga gerði þetta sófaborð. Lítur vel út..

Og þegar betur er skoðað sést hvernig er í pottinn búið. Það er verst að það er bannað að hella niður, heyrirðu það Ingvi.

Þetta var dropinn í hafið. Ég vona að þið getið lesið þetta fyrir öllum frösunum.
Kveðja Inga og Raggi

2004-12-17T19:24:00.000+01:00

Sæl og bless allir saman.Bara rétt að láta heyra frá okkur áður en við förum til íslands, bloggum ábygglega ekkert þar. Ingvi búin í prófum og því öllu, og það gekk bara vel allt saman, reyndar er hann ekkert búin að fá út úr neinu en ég hef engar áhyggjur af því.
Núna er síðasti dagurinn í súkkulaðiverksmiðjunni góðu runninn upp og ég get nú ekki sagt annað en að ég sé mjög fegin því og borðaði alveg fullt af súkkulaði í dag svona vegna komandi aðskilnaðar.
Það var mjög fyndið um daginn þá komu Jón Ásgeir og Jóhannes í bónus og fleiri dúddar að skoða nýjustu fjárfestinguna. Allar stelpunar voru ýkt spenntar búnar að heyra að hann væri voða ungur og sætur, fóru kannski að gera sér aðeins of miklar vonir um að þeir væru eitthvað spennandi. Og búnar að heyra að þeir mundu eitthvað spjalla við okkur og sonna. En svo komu þeir og voru ýkt leiðinlegir og þurrkunntulegir og stelpurnar voru svo svekktar. Þetta var samt soldið spaugilegt, einhverjir öskubuskudraumar komnir upp hjá þeim. sem voru langt frá því að rætast.
Jæja ég bara að koma heim eftir þrjá daga og er nú orðin ansi spennt að hitta ykkur öll. Bið að heilsa öllum, tak og hej, tak og hej, tak og hej levepostej

13. dagar í okkur

2004-12-06T18:29:00.000+01:00

Sæl öll nær og fjær. Þá er alltaf að styttast í að maður komi heim, tvær vikur í dag. Og ég er bara að verða asskoti spennt að hitta alla. Allt fín að frétta af okkur sosum. Ég er ennþá í súkkulaðinu, er reyndar alveg farinn að telja niður í að hætta þar, 9 vinnudagar eftir. Ingvi er útí skóla núna alltaf að læra rosa duglegur, ég sé frekar lítið af honum þessa dagana. En það er samt bara gott að hann hafi svona mikinn sjálfsaga. Vona að ég verði svona dugleg þegar ég byrja í skólanum.
við komum heim þann 20. des og fer aftur 10. jan svo við verðum á íslandi í góðan tíma. Ég verð reyndar eitthvað að vinna hjá mömmu um jólin en samt ekkert brjálað mikið held ég, allavega ef þið viljið gera ykkur sæt fyrir jólin veriði þá bara í bandi.
Eitt ýkt fyndið, ég var á leiðinni heim úr vinnunni á föstudaginn frekar þreytt og sjúskuð í joggaranum. Og nema hvað, haldiði að mér hafi bara ekki verið boðið á deit í lestinni. Þetta var nú samt alveg ömurlegur gaur frá nígeríu svo ég bara þakkaði pent, og sagði " I don´t think that my boyfriend would like that" en samt gaman.

En allavega bless í bili og hlakka til að sjá ykkur öll um jólin. ble ble Ragga.

Jóla hvað!!!

2004-11-30T19:00:00.000+01:00

Jæja jæja allir þarna úti. Þá er óðum að styttast í að við komum heim aftur í jólafrí. Við erum nú komin með smá fiðring í magan, alltaf svo gott að komast heim. Þangað til eru samt nokkur verkefni og próf hjá Ingva svo hann hefur varla tíma til að hugsa um það, en hjá mér er það bara súkkulaðið. Ég er nú orðin soldið þreytt á því en þetta er í svo stuttan tíma að ég læt mig hafa það. Langar samt bara að fara að byrja í skólanum, veit samt að ég verð örugglega þreytt á því líka strax.
Við erum búin að vera í svoldlu veseni með tölvur síðustu daga. Fartalvan eyðilagðist svo við keyptum nýja dell tölvu, það er bara hægt að gera í gegnum netið hérna. Talvan var á leiðinni til okkar í gegnum eitthvað sendi fyrirtæki, en henni var bara stolið þar. Svo við erum búin að bíða og bíða og Ingvi búin að hringja og rífast pínu. En allavega núna er alveg splúnku ný talva á leiðinn og vonandi verður ekkert vesen núna.
Ég er bara komin í soldið jólaskap, komin vel á veg með jólagjafainnkaupinn og er að fara í julefrokost á morgun með nokkrum stelpum úr vinnunni. Langar að fara að skreyta en það er bara ekkert jólaskraut hérna, nenni ekki og hef ekki efni á að fara að kaupa eitthvað skraut í þessa íbúð, er nú að fara að flytja úr henni um jólin. Ég verð bara að skreyta þá tvofalt bara næstu jól.
Jæja ég ætla að fara að hætta þessu blaðri, hef hvort eð er ekkert að segja.
hafið það gott þangað til næst .

Afsakið letina

2004-11-12T21:18:00.000+01:00

Jæja loksins látum við í okkur heyra, rétt að láta vita að við erum á lífi. Af okkur er allt gott að frétta. Ingvi er bara alltaf á fullu í skólanum, rosa duglegur og ég hef nú verið að gera mest lítið. Ég er samt komin með vinnu í súkkulaðiverksmiðju í einhvern tíma, veit ekki alveg hvað lengi. Þetta er bara fín vinna, er að pakka inn súkkulaðinu það er bara kósí. Það versta er að við meigum borða eins mikið og við viljum af því og það er geggjað gott, svo ég vona að ég verði ekki orðin hnöttótt þegar ég kem heim.

Við erum búin að leigja hina íbúðina okkar út fram að jólum, sem betur fer. hefðum varla getað borgað tvær leigur. Áður en við leigðum hana út keyptum við 4 stóla og eldhúsborð í hjálpræðishernum. Gátum ekki leigt hana alveg tóma og við þurftum hvort eð er að kaupa þetta. Við vorum svo rosalega sparsöm að við vildum ekki panta sendiferðabíl svo við drösluðumst fyrst með stólana, og svo daginn eftir borðið, í lestina og þaðan í íbúðina. Þetta var soldið langt allavega með svona byrgði. Vorum því að drepast úr harðsperrum eftir það. Fólk glotti nú spldið út í annað þegar það sá okkur, vorum hálf bakkabræðraleg. Ingvi setur kannski myndir af þessu.

Allavega við erum á lífi og reynum að updeita hérna á síðunni eins fljótt og við nennum.

Sveitastrákar í stórborginni

2004-10-13T16:59:00.000+02:00

Jæja, þá eru kallarnir farnir frá okkur. Við erum búin að vera í afslöppun síðan þeir fóru og ekki búin að nenna að blogga. Við viðurkennum samt ekki að þeir hafi þreytt okkur svona mikið. Við tókum auðvitað fullt af myndum af þeim kumpánum, enda var þetta söguleg stórborgarferð hjá þeim.

FÖSTUDAGUR

Þeir voru ekki fyrr komnir út úr leigubílnum af flugvellinum, að þeir voru búnir að stífla göngustíga og hjólastíga. Ekki alveg að skilja hjólamenninguna hérna. Þegar búið var að henda töskunum inn, var haldið af stað í bæinn.

Þar var farið í sívala turninn.

Og til Christjaníu. Hér eru þeir að skvetta úr skinnsokknum á flottasta klósettinu í Stínu.

Það var gengið um og einum köldum skolað niður á meðan.

Eftir þetta var farið heim til að hvíla sig fyrir kvöldið. Hér er Reynir að hvíla sig, eins og sést.

Um kvöldið var farið út að borða. Og svo beint á Mojo, sem er blúsbar. Hann er bara helvíti fínn, það var mjög gaman þar og kallarnir alveg að fýla það. Hérna stilltu þeir sér upp á Mojo.

Og önnur uppstilling. Þeir myndast helvíti vel.

Svo var haldið heim á leið, en þó aðeins kíkt á Kakadu fyrst. Ragga var alveg æst í það. Þeir stunduðu þennan stað víst aðeins fyrir tugum ára.

LAUGARDAGUR

Á laugardeginum var farið í aðra heimsálfu. Eða annað land allavega. Hér erum við á leiðinni til Malmö og kallarnir í vatninu bara. Voða rólegir alltaf. Þegar komið var til Malmö var auðvitað spurt til vegar og Reynir sá um það. Þegar hann var búinn að tala við einn heimamann, heldur hann áfram ferðinni en dettur svo kylliflatur á gangstéttina. Þetta var fyndin sjón, Ragga hló manna mest og Reynir ekki ánægður með það. Sem betur fer meiddist hann ekkert. Þetta var svona, you had to be there, fyndið.

Stillt sér upp við ráðhúsið í Malmö. Svo átti að finna litla knæpu til að ná úr sér ferðaþreytunni yfir Eyrasundið. En það var bara ekki hægt því Svíar eru svo helvíti lítið fyrir það.

Þá var bara farið á McDonalds. Fundum reyndar einn bar á leiðinni heim, en það var ekki stoppað lengi í Malmö.

Líkir. Eftir Malmö var farið heim í litla kríu, sem var nánast ekki nein því það var aðeins byrjað að fá sér í tána.

Haldið var á Nýhöfn til að éta. Uppstilling við akkeri þar, tókst ekki betur en svo að þeir hrundu á hausinn, enda sumir orðnir nokkuð svartir.

Nefnum engin nöfn. Á veitingastaðnum fengum við brauð í forrétt, en haldiði ekki að það hafi vantað smjör. Það gengur ekki og Palli vék sér því að næstu konu og segir á sinni góðu íslensku "get ég fengið smér". Konan var ekki að vinna þarna.

Sveitakallar í stórborginni.

SUNNUDAGUR

Sunnudagurinn var tekinn menningarlega, skoðað konungshöllina, hafmeyjuna, og farið í Jónshús.

Sumir þurftu aðeins að rifja upp Nýhöfn, frá því kvöldinu áður.

Svo var hlegið mikið um kvöldið, vísur ortar,

og aðeins fengið sér í tána,

og greinilegt að þriðja Bakkabróðurins var sárt saknað.

MÁNUDAGUR

Fórum í dýragarðinn og aðeins í Fisketorvet til að kíkja í búðir. Það var í fyrsta skiptið sem þeir litu inn í búð alla helgina.

Svo var farið heim að pakka og haldið á flugvöllinn í strætó.

Palli og Reynir prúðir hér
pukrumst við með trúðum
Soldið svartir eins og er
og sneiða fram hjá búðum

Þetta var skemmtileg helgi, takk fyrir komuna

Lengri tími, ennþá enginn sjór

2004-10-02T18:43:00.000+02:00

Vorum að éta, afsakið borða. Fengum okkur pítu með kjúkling. Það virðist vera að alltaf þegar við eldum eða borðum almennt einhvers staðar þá er alltaf kjúklingur. Við kvörtum svo sem ekki, kjúklingur er góður.
Við erum komin með íbúð á Amagerkolleginu, fáum hana á mánudaginn. Það þýðir að við verðum að leigja tvær íbúðir í þrjá mánuði. Ef þið vitið um einhvern sem vantar íbúð á þessu tímabili þá endilega segið þeim að "I´m just a girl, standing in front of a boy, asking him to love her". Dótið okkar er komið í gám og lendir í Köben í næstu viku. Þökk sé okkar yndislegu fjölskyldum sem snúast í kringum okkur, þó við séum hvergi nærri. Maður fær bara samviskubit yfir þessu. Allavega takk allt góða fólk.
Ég(ingvi) er að drukkna í verkefnavinnu þessa dagana. Tvö stór skilaverkefni í næstu viku. En svo í vikunni þar á eftir er snilldar vetrarfríið, sem þýðir 10 daga frí hjá mér. Það verður ljúft. Ég tók þátt í borðtennismóti (bjórtennismót heitir það) í skólanum. Ég gerði mér lítið fyrir og vann mótið. Axel og Gebbi, passið ykkur. Ég er drullugóður :) Mont.
Ég(ragga) er á fullu að leita að vinnu, það gengur ekkert allt of vel. Búinn að sækja um á fullt af stöðum. Það dettur vonandi eitthvað inn. Eins og Ingvi segir, það reddast alltaf allt, gott mottó, ekki klikkað hingað til.
Reynir og Palli (pabbi Röggu og bróðir hans) koma um næstu helgi. Það verður eflaust voða gaman ef maður þekkir þá bakkabræður rétt.
Nóg komið af röfli, ég nenni ekki að setja inn myndir.. Hilsen

Langur tími, enginn sjór

2004-09-17T19:18:00.000+02:00

Jæja elskurnar, sorrý hvað það er langt síðan við höfum skrifað. Gaman að sjá að fólk er í alvöru að fylgjast með okkur. En ekki hvað. Það er bara búið að vera svo mikið að gera, léleg afsökun, sleppum henni. Við (eða Ingvi bara) höfum ekki nennt að blogga. En nú verður breyting á. Hér að neðan kemur update á því sem á daga okkar hefur drifið undanfarna daga, vikur frekar. Í þessum töluðu orðum eru stelpurnar, Ragga og Lára, já Lára er í heimsókn um helgina, að elda kjúkling. Og ég sé um grænmetið, ég sé alltaf um grænmetið. Enda helvíti góður í því. Já, við blótum stundum þó við séum guðhrædd eins og Ingibjörg segir. Allavega, hér er mynd af stelpunum að elda.

Þær taka sig bara asskoti vel út, enda komnar í bjórinn líka.

Við ætlum að gera eitthvað skemmtilegt um helgina, eins og að fara í tívolí, það er síðasta helgin núna. Um síðustu helgi var nú ekki fólk af verri endanum hjá okkur. Og svo voru Eyjó og Lilja líka. Það var rosa gaman, við gerðum ýmislegt, ekkert merkilegt samt nema djamm bara.

Þarna eru þau skötuhjúin, já Eyjó er alltaf svona.

Fyrir þau ykkar sem finnst gaman að sjá Röggu borða(hakka) þá læt ég hérna fylgja með eina mynd af henni við þá iðju.(Djöfull er ég háfleygur)

Takið eftir Jarvis sem langar í kjúkling. Hann fór seinna í ruslið og gróf upp kjúklinginn, asninn. Samt ágætis grey.

Um daginn var Rós eitthvað að vesenast í Köben og við hittum hana og kíktum á kaffihús. Þetta var 25.ágúst minnir mig.

Stelpurnar voru samt mest í að tala við aðra, eins og sést, enda höfðum við ekkert að tala um. Jú, djók, það var slúðrað endalaust.

Svo síðustu helgina í águst kom meistarinn sjálfur Amen, og kvonfangið hans, Ásta.

Hér erum við saman í tívolíinu. Systir Ástu (hana) tók myndina. Það var rosa lasershow og flugeldasýning.

Þetta er mynd af stærsta flugeldinum. Ég tek það fram að ég er ekki góður að taka myndir af flugeldum. Tók svona 20 og þessi var best.

Þetta er margumtöluð Christa og Martin. Kominn tími til að setja mynd af þeim á netið. Ekkert meira um það að segja nema þau eru frábær og þoldu að hafa okkur í heila 10 daga. Við erum reyndar ekki fyrirferðamikil, veit það.

Að lokum er svo hérna mynd af snilldar break-urum

sem stilltu sig sérstaklega upp fyrir okkur á Strikinu, "picture time". Þokkalega kúl. Enda fengu þeir 50 aura frá okkur.

Þetta er komið nóg af röfli. Bless........

Fyrstu kvöldmáltíðirnar

2004-09-03T11:57:00.000+02:00

Jæja við erum loksins komin með fastan samastað. Erum flutt á Istedgade. Fluttum reyndar á þriðjudaginn en það er búið að vera nóg að gera við að flytja inn og fara í skóla og sækja um vinnur og horfa á sjónvarp og fleira. Vöknuðum í morgun við skrúðgöngu sem fór hérna niður götuna, geðveikt gaman. En það var fínt að vakna því það er rosalega gott veður, heiðskýrt og fullt af sól. Það er eins gott því það er nóg um að vera í dag. Það er götufest í hliðargötu hérna rétt hjá okkur sem byrjar klukkan 3. Þar verða götumarkaðir og gaman bara. Svo er sommerfest í skólanum hjá mér(Ingva) sem byrjar klukkan 3. Þið megið giska á hvað er mest gert þar. Ég dirfist ekki að skrifa það því þá heldur fólk kannski að það sé það eina sem við hugsum um hérna í Köben. Höfum ekki meira að segja nema bara, hér fyrir neðan eru myndir af íbúðinni og okkur að elda hérna í íbúðinni. Við erum sko búin að elda öll kvöld nema eitt hérna í íbúðinni. Við höfðum okkur með á myndunum til að gera þær skemmtilegri enjoy.

Þetta er á þriðjudaginn, fyrsta kvöldið hérna. Við ætluðum að sjóða ýsu, en þar sem við fundum ekki ýsu, þá elduðum við bara þorsk. Hann var mjög góður.

Á miðvikudaginn var það svo fajitas, en þar sem það var ekki til fajitas þá keyptum við lembas-brauð af einhverjum indverja hérna á horninu. Það var mjög gott.

Allt tilbúið.

Mínútu síðar.

Yfir & út

Tissefolket

2004-08-28T13:57:00.000+02:00

Erum i netagerdinni okkar eina ferdina enn. Tad er svosem ekkert nytt ad fretta. Amen og Asta eru komin, tau komu med toskuna okkar i gær ig vid satum heima fram a nott ad spjalla og drekka bjor sem kostadi 1.95 kronur og ef madur skilar glerinu fær madur 1 kronu til baka, tad tydir ad ølid kosta ca. tikall islenskar sem er ekki leidinlegt og agætur bjor i tokkabot. Vorum reyndar spurd hvort vid værum med aldur til ad kaupa bjorinn. Eitthvad skrytinn afgreidslukall, eg meina madur tarf ad vera 16 ara til ad kaupa afengi herna. En vid tokum tessu bara sem complementi, vid erum svo ungleg. En vid erum samt a tvi ad gaurinn hafi verid adeins gedveikur lika.
I dag erum vid buin ad træda loppumarkadi sem fyrir ykkur heima tydir floamarkadi eda kolaportid bara. Rosa gaman og fint vedur lika. Svo ætlum vid ad hitta Ama og Astu a eftir og fara kannski i tivoli og eitthvad bara.

And now for something completely different..
Vid vorum i letikasti um daginn ad horfa a einhverja hollywood mynd a dvd og tad var ekki islenskur texti tannig ad vid settum a danskan texta. Svona til ad æfa sig adeins i donskunni. Og tad var verid ad tala um tegar folk er ad gera tad... Og tydingin a tvi var svo fyndin ad vid verdum ad deila tvi med ykkur. Semsagt tissemand tydir pissukall og tissekone er pissukona. Vid latum tad eftir ykkur ad fatta hver nakvæmlega islenska tydingin er. En svo er tad semsagt ad lata tissefolket slå sammen... hahaha gedveikt fyndid. Vona ad odrum finnist tad lika, annars erum vid bara eitthvad skrytin.

Svo eru godar frettir fyrir okkur. Einhverjum finnst tetta kannski ekkert godar frettir but who cares. I fluginu hingad skodudum vid einhvern iceland express bækling og tar var verid ad benda a snidugar budir og annad i køben. Og audvitad var talad um odyrasta barinn i køben. Tar kostar halfur liter fadøl kun femten kroner sem sinnum 12 er ta 180kall. Og vid reyndum ad muna hvar hann var en gleymdum tvi audvitad. Mundum bara ad hann var einhversstadar a Istedgade. Nu getur folk farid ad leggja saman 3 og 3 tvi vid erum einmitt ad flytja a Istedgade. Og plottid er ad vid buum beint fyrir ofan barinn, snilld. Reyndar frekar sveittur stadur en samt otrulega skemmtileg tilviljun.

Tetta er komid gott, over end out...

Crying rain

2004-08-26T14:11:00.000+02:00

Sitjum a netkaffinu okkar, rennandi blaut. Vid erum buinn ad taka tvo hjolatura i dag og i badi skiptin kom hellidemba. Our luck. Vid forum ad hitta Camillu og fengum lykla ad ibudinni. Hittum lika Matildu sem er ad leigja herbergi i ibudinni. Vid flytjum svo inn a nasta tridjudag. Vid hittum Ros i gær. Hengum i kringum strikid og fengum okkur bjor med henni. Svo eldudum vid med Christu og Martin, eda tau eldudu fyrir okkur, hvern erum vid ad reyna ad blekkja. Ragga gerdi saltid, nei salatid. Tetta var rosa gott, chilli kjuklingur og braud og fullt af chili, tau elska chili. Svo spiludum vid Risk, sem eg, Ingvinn, rustadi audvitad og Martin er Sjalandsmeistari i Risk. Mitt mission var ad drepa blaann, sem var Ragga og hun hefur ekki spilad risk adur, en eg rustadi tessu samt. Annars er buid ad vera fint vedur, samt alltaf rigning inna milli, brjaladar trumur og eldingar i fyrrinott. Annars er spad glampandi hita og steikjandi sol um helgina tannig ad Amindsi og Asta koma i goda vedrid, annars veit eg ekkert hvernig vedrid verdur, tetta hljomar bara svo vel.
Tetta er fint i bili. Leiter...

Det er et danskt nøglebord...

2004-08-23T13:52:00.000+02:00

Sitjum her a netkaffihusi rett hja Strikinu. Tad er danskt lyklabord. Hofum ekki getad komist a netid i nokkra daga. Sidan sidast hefur margt gerst. Vid forum fra Birnu og Sigga a midvikudaginn sidasta og beint i gestaherbergi a kolleginu, Takk fyrir okkur Birna og Siggi, og Embla. Vid vorum tar fram a laugardagsmorgun og fluttum okkur ta til Christu og Martin. Tar komumst vid ekkert a netid ekki frekar en i gestaherberginu tannig ad vid eigum bara eftir ad koma nokkrum sinnum a tetta netkaffihus fram ad 1.sept. Tad er lika selt vidjo a tessu netkaffihusi fyrir ta sem vilja vita tad :)
Fanney var herna um helgina, tannig ad vid urdum ad djamma med henni, ohh :) Og tremur vinkonum hennar. Vid hittum taer a samsbar sem er karokibar, a laugardagskvoldid og vorum tar tangad til ad stefnan var tekin a Rosie McGees, sem er rosa stadur, (turistastadur). Ingvinn komst audvitad ekki inn, tvi eg var i sandolum, hneykslist eins og tid viljid a tessu, tetta er faranlegt. Svo vorum vid i letikasti i gar sem vid hofum ekki gert sidan vid komum hingard, Vid turftum ad hlada batteriin. Vid erum fullhladin nuna, og tilbuin ad taka a moti amunda og astu sem koma um nastu helgi, og ta verd eg ekki i sandolum.
Segjum tetta gott i bili, leiter folks
-Ingvi og Ragga

Anonymous comment

2004-08-18T15:30:00.000+02:00

Ég stillti þannig að hver sem er getur núna commentað, þarf bara að velja, anonymous comment. Endilega þá skrifa nafnið sitt samt undir. Bæ í bili.

Isl - Slo

2004-08-18T10:45:00.000+02:00

Sitjum hér og horfum á frændur okkar íslendinga, sem eru að láta slóvena taka sig í nefið. Koma svo Ólafur!! Það er fyndnast að hlusta á danska lýsingu þegar Ísland er að spila. Erfitt að lýsa því í orðum samt. Það er best að Siggi Rabbi frændi hennar Röggu er á línunni hjá íslendingum. Kannski þess vegna sem að gengur svona illa, djók.

Annars erum við komin með gestaherbergi á kolleginu og verðum í því fram á laugardag. Þá flytjum við til Christu og verðum líklega þar út ágúst. Hún er með herbergi sem situr autt og við fáum að hanga í því. Siggi Rabbi var að skora, góður!
Þó að við höfum skilið kisu eftir heima, þurfum við ekki að sakna hennar svo, því að Christa á tvo ketti,

Charlie

og þennan hérna

Svo á camilla, stelpan sem við leigjum hjá fram að jólum, kött sem við þurfum að passa. Hann heitir Jarvis í höfuðið á Jarvis Cocker. Það má segja að við séum hundelt af köttum.(Ragga fattaði þennan, alveg satt)

Þetta er stígvél sem var á stað sem við borðuðum á. Notuð hermannastígvél sýnist mér.

Þetta er Johnny, dúfa sem við þurfum líka að passa. Jarvis og Johnny eru góðir vinir.

Hér erum við að horfa yfir Kristjaníu,

og þetta er stærsti turninn í Kristjaníu. Jee, Ísland komið yfir!

Þetta er á afmælisdaginn minn. Við fórum á ströndina og á Bakken. Það var frekar gaman, þetta var minn 4. bjór held ég :) Og Gudjon Sigurdsson skorar.
Þetta er gott í bili, Ísland er að rústa þessu núna. Bæjó.

Nokkrar myndir

2004-08-17T03:31:00.000+02:00

Byrjuð að blogga

2004-08-17T03:15:00.000+02:00

Jæja, þá er bloggið okkar komið af stað. Það verður hugsað aðallega fyrir myndir af okkur í köben, en einnig skrifum við kannski eitthvað sniðugt ef okkur liggur eitthvað á hjarta. Endilega allir að skrifa okkur eitthvað hér ef fólk vill. Búið í bili. Bæ